Тут Вы знойдзеце творы А. Дуброўскага /
Здесь Вы найдете произведения
А. Дубровского

Алесь ДУБРОЎСКІ-САРОЧАНКАЎ

ЗНІКНЕННЕ

Як мне пачуць Цябе – Твой голас ціхі,
калі мой дух у сумятні засмаг
і розум, бы ў пакутах парадзіхі,
крычыць, адчуўшы ўвесь абсурду жах?

Як іншым разам мне пачуць таксама,
калі Свой суд Ты абвяшчаеш мне
і голас Твой знішчае мае храмы,
ды толькі маё сэрца не кране?

Урэшце, як пачуць Тваё маўчанне,
калі, імшу стварыўшы і пасты,
я бачу... мне здаецца... плачаш Ты
над пустатою гэтых намаганняў!

26 красавіка 2004 г.